நெல்லியல் கலை இலக்கியத் தேடல்
மண்ணின் நினைவுகளை மொழியின் வழியே மீட்டெடுத்து, தலைமுறைகளின் சிந்தனையில் பேரொளியை ஏற்றும் கலை இலக்கியப் பயணம்.
அடுத்து: மூன்றாம் இலக்கியச் சந்திப்பு · 9 நவம்பர் 2026இருள் அப்பிக் கிடக்கும் மனங்களில் பேரொளியை ஏற்றி நிரப்பும் பெரும் வல்லமை கலைக்கும் இலக்கியத்திற்கும் உண்டு.
எங்களைப் பற்றி
ஒவ்வொரு மண்ணும் தன்னகத்தே தாங்கி நிற்கும் பண்பாட்டு விழுமியங்களையும், தலைமுறைகள் கடந்து வந்த வாழ்வியல் நினைவுகளையும் உயிர்ப்புடன் அடுத்த தலைமுறைக்குக் கடத்தும் அரும்பணியை கலை இலக்கியங்கள் காலந்தோறும் ஆற்றி வருகின்றன.
அத்தகைய உயரிய நோக்கத்தோடும், மண்ணின் வாழ்வையும் மக்களின் பண்பாட்டையும் படைப்புலகின் வழியே பதிவு செய்யும் பேரார்வத்தோடும், தேசிய விருது பெற்ற இயக்குநர் திரு. சற்குணம் அவர்களின் முன்னெடுப்பில் ஆம்பலாப்பட்டு மண்ணில் விதைக்கப்பட்ட இலக்கிய விதையே “நெல்லியல் கலை இலக்கியத் தேடல்.”
இன்று, தனது எல்லைகளை விரிவுபடுத்தி, ஒரத்தநாட்டை உள்ளடக்கிய கிராம ஊராட்சிகளின் பரப்பில் வாழும் படைப்பாளர்கள், கவிஞர்கள், கலை இலக்கிய ஆர்வலர்கள், சிந்தனையாளர்கள், மாணவர்கள் மற்றும் பண்பாட்டு நேயர்கள் அனைவரும் ஒன்றிணைந்து பயன்பெறும் வகையில் இம்முயற்சி தொடர்ந்து முன்னெடுக்கப்பட்டு வருகிறது.
நெல்லியலின் இலக்கியப் பயணம்
ஒவ்வொரு சந்திப்பும் இம்மண்ணில் விதைக்கப்படும் ஒரு புதிய நெல்மணி.
மூன்றாம் இலக்கியச் சந்திப்பு
விதைத்த சொற்கள் வேர்விடும் வேளை...
வயல்வெளியில் ஒரு புதிய உரையாடல்...
நெல்லியலின் மூன்றாம் அத்தியாயம்...
கோணங்கி அவர்கள் திறந்து வைத்த படைப்புலகின் கதவுகளும், வேல ராமமூர்த்தி அவர்கள் ஒலிக்கச் செய்த கரிசல் மண்ணின் குரலும் நம் மனங்களில் இன்னும் நிறைந்திருக்கும் வேளையில், நெல்லியலின் பயணம் தனது மூன்றாம் அத்தியாயத்தை நோக்கி அடியெடுத்து வைக்கிறது.
இம்முறை திரு. இலட்சுமணப்பெருமாள் அவர்கள் நம்மிடையே வருகை தந்து, படைப்பு, வாழ்வு மற்றும் மண் சார்ந்த தம் அனுபவங்களை நம்மோடு பகிர்ந்து உரையாட உள்ளார். வரும் நவம்பர் 9 அன்று பாப்பாநாட்டில் நடைபெறும் இச்சந்திப்பின் முழு விவரங்கள் அருகிலுள்ள அழைப்பிதழில்.
விளைந்த வயலைப் போல் நிறைந்த மனங்களோடு அந்த உரையாடலில் பங்கேற்க தங்களை அன்போடு வரவேற்கிறோம்.
பங்கேற்க தொடர்பு கொள்ளஇரண்டாம் இலக்கியச் சந்திப்பு
கரிசல் மண்ணின் வெம்மையையும் உழைக்கும் மக்களின் வாழ்வையும் தன் எழுத்தின் வழியே பதிவு செய்து வரும் எழுத்தாளரும் திரைப்பட நடிகருமான திரு. வேல ராமமூர்த்தி அவர்கள் ஆம்பலாப்பட்டு மண்ணில் நம்மோடு கலந்துரையாடினார்.
“குற்றப்பரம்பரை” படைப்பின் கதைமாந்தர்கள், வாழ்வியல் போராட்டங்கள் மற்றும் படைப்பின் பின்னணி குறித்த அவரது உரையாடல், சொற்கள் வெறும் மொழியல்ல; வாழ்ந்த மனிதர்களின் சுவடுகள் என்பதை நமக்கு உணர்த்தியது. வருகை தந்து சிறப்பித்த அனைவருக்கும் எங்கள் நன்றி.
வேல ராமமூர்த்தி அவர்களின் வருகை
குற்றப்பரம்பரை உரையாடல்
இரண்டாம் இலக்கியச் சந்திப்பு
ஆம்பலாப்பட்டு, செப்டம்பர் 2026
நெல்லியல் குடும்பம்
முதல் இலக்கியச் சந்திப்பு
ஆம்பலாப்பட்டு மண்ணில் தொடங்கிய இப்பயணத்தின் முதல் அத்தியாயத்தைத் தமிழின் தனித்துவமான படைப்பாளியும் பெரும் கதையாளருமான எழுத்தாளர் கோணங்கி அவர்கள் தொடங்கி வைத்துச் சிறப்பித்தார். அவரது சிந்தனையூட்டும் உரையாடல், மரபின் ஆழங்களிலிருந்து நவீன சிந்தனைகளின் வெளிச்சம் வரை விரிந்த புதிய படைப்புலகின் கதவுகளைத் திறந்து வைத்தது.
கோணங்கி அவர்களின் வருகை
முதல் இலக்கியச் சந்திப்பு
ஆம்பலாப்பட்டு, 2026
நெல்லியல் தொடக்கம்
ஒரு மண் தன்னைத் தானே வாசித்துக் கொள்ளும் தருணம்.
ஒரு தலைமுறை மற்றொரு தலைமுறையோடு உரையாடும் வெளி.
மரபும் நவீனமும் கை கோர்க்கும் சந்திப்பு.
சொற்கள் விதைகளாகி மனங்களில் விழும் சிந்தனைத் திருவிழா.
கலை, இலக்கியம், மண், மனிதம் மற்றும் சமூக நினைவுகள் ஒன்றிணையும் இவ்வரிய சந்திப்பில், தங்களின் வருகையாலும் பங்களிப்பாலும் நிகழ்வைச் சிறப்பிக்க அன்போடு அழைக்கிறோம்.
தொடர்பு கொள்ளுங்கள்
தமிழ் மொழி மீதும் சிந்தனைப் பரிமாற்றத்தின் மீதும் ஆர்வமுள்ள எழுத்தாளர்களையும் வாசகர்களையும் நெல்லியல் இயக்கத்தில் இணைய அழைக்கிறோம். உங்கள் கருத்துகளையும் படைப்புகளையும் எங்களுடன் பகிர்ந்துகொள்ளுங்கள்.
- 99446 40193
- வாட்ஸ்அப் மூலம் தொடர்பு கொள்ள
- ஆம்பலாப்பட்டு, ஒரத்தநாடு